Indykaila News маълумотларига кўра, «қизил иблислар» футболчининг трансфери учун 59 миллион фунт стерлинг миқдорида таклиф юборишган. Бироқ «олчалар» ушбу таклифни рад этишди. Энди «Манчестер Юнайтед» хавбекни ўз сафига қўшиб олиш учун каттароқ сумма таклиф қилишига тўғри келади.
Алекс Скотт 2023 йилда «Бристол»дан 23 миллион евро эвазига «Борнмут»га ўтган эди. Унинг шартномаси 2028 йилнинг 30 июнига қадар мўлжалланган.
2025/26 йилги мавсумда ярим ҳимоячи барча мусобақаларда 39 та ўйин ўтказиб, 4 та гол урди ва 1 та голли узатмани амалга оширди. Transfermarkt портали Скоттнинг трансфер баҳосини 50 миллион еврога баҳоламоқда.
