Испания терма жамоаси бош мураббийи Луис де ла Фуэнте ЖЧ-2026нинг 1/16 финалида Австрия устидан қозонилган ғалабадан (3:0) сўнг ўз фикрларини билдириб ўтди.
«Буюк жамоалар ўзларини керакли пайтда кўрсатишади. Биз аввалги учрашувларда содир бўлган воқеаларга жуда жиддий эътибор қаратдик. Барча жиҳатларда деярли мукаммалликка эришдик. Рўй бераётган жараёнда янада ўсишда давом этишимиз керак. Ҳар қандай соҳада бундан ҳам яхшироқ бўлишнинг иложи бор.
1/8 финалда рақиблар бундан ҳам қийинроқ бўлади. Янада кучайиш — бизнинг характеримизда бор. Жамоадан тобора кўпроқ нарса талаб қилинмоқда.
Хорватия ёки Португалия? Биз уларни жуда яхши биламиз ва ким [кейинги босқичга] чиқса ҳам, бунга лойиқ бўлади», — деди де ла Фуэнте La 1 телеканалига берган интервьюсида.
