Испания терма жамоаси аъзоси Микель Ойярсабаль Жаҳон чемпионати — 2026нинг 1/16 финали доирасида Австрия терма жамоасига қарши кечган ва испанияликларнинг учта жавобсиз голи билан якунланган учрашувдан сўнг ўз фикрлари билан ўртоқлашди.
Қайд этиш лозимки, Ойярсабаль ушбу ўйинда дублни расмийлаштирди.
«Жамоамга ёрдам бера олганимдан хурсандман. Биз кейинги босқичга йўл олдик, энди эса бироз дам олишимиз керак. Ўйин анча қийин кечди. Австрия — жисмоний жиҳатдан жуда бақувват жамоа. Бироқ биз ажойиб учрашув ўтказдик ва ғалабадан мамнунмиз», — деди форвард ўйиндан кейин.
ЖЧ-2026нинг 1/8 финалида Испания терма жамоаси Португалия — Хорватия учрашуви ғолибига қарши майдонга тушади.
