2 июлдан 3 июлга ўтар кечаси футбол бўйича 2026 йилги Жаҳон чемпионатининг 1/16 финал учрашуви бўлиб ўтади ва унда Португалия ҳамда Хорватия терма жамоалари ўзаро тўқнаш келишади. Жамоалар Торонтодаги (Канада) «Би-Эм-О Филд» стадионида майдонга тушишади. Учрашувни Эспен Эскос (Норвегия) бошчилигидаги ҳакамлар бригадаси бошқариб боради. Старт ҳуштаги Тошкент вақти билан соат 04:00 да чалинади.

Жамоаларнинг бошланғич таркиблари

Португалия: Диогу Кошта, Канселу, Диаш, Вейга, Мендеш, Витинья, Невеш, Бруну Фернандеш, Нету, Леау, Роналду.

Хорватия: Ливакович, Станишич, Шутало, Понграчич, Перишич, Модрич, Ковачич, Сучич, Батурина, Влашич, Будимир.

Португалияликлар «К» гуруҳида Ўзбекистонни (5:0) мағлуб этиб, Конго ДР (1:1) ва Колумбия (0:0) билан дуранг ўйнаган ҳолда иккинчи ўринни эгаллашди. Хорватлар эса «L» квартетида иккинчи бўлишди. Жамоа Англияга (2:4) имкониятни бой берди, бироқ Панама (1:0) ҳамда Гана (2:1) терма жамоалари устидан ғалаба қозонди.