Журналист Фабрицио Романо «X» ижтимоий тармоғида «ПСЖ» ва Франция терма жамоаси вингери Брэдли Баркола атрофидаги вазиятга тўхталиб ўтди. Манбанинг берган маълумотига кўра, Англиянинг «Ливерпуль» клуби футболчига фаол тарзда қизиқиш билдиришда давом этмоқда.
Аввалроқ «ПСЖ» жорий трансфер ойнасида Барколани сотиш ниятида эмаслиги ҳақида хабар берилган эди. Инсайдернинг сўзларига кўра, агар парижликлар «РБ Лейпциг» вингери Ян Диоманде ҳамда «Монако» ярим ҳимоячиси Магнес Аклиушни сотиб оладиган бўлса, вазият ўзгариши мумкин. Франция клубининг ҳар икки футболчига қизиқиш билдираётгани айтилмоқда.
Маълум қилинишича, агар ушбу трансферлар амалга ошса, «ПСЖ» катта миқдордаги таклиф тушган тақдирда Баркола борасидаги қарорини ўзгартириши мумкин.
