«Реал» ярим ҳимоячиси Эдуардо Камавинга фаолиятини Англияда давом эттириши мумкин.
Игнасио Санчеснинг берган маълумотларига кўра, «Ньюкасл» француз футболчисини ўз таркибига қўшиб олишга қизиқиш билдирмоқда. «Қарғалар» футболчига маошини сезиларли даражада оширишни таклиф қилишга тайёр, бу эса уни Мадрид клубини тарк этишга ундаши мумкин. «Ньюкасл» раҳбарияти ушбу трансфер амалга ошишига тўлиқ ишонмоқда.
Эдуардо Камавинга 2021 йилда «Ренн» клубидан 31 миллион евро эвазига «Реал»га кўчиб ўтган эди. Унинг «қаймоқранглилар» билан амалдаги шартномаси 2029 йилнинг 30 июнига қадар мўлжалланган. 2025/2026 йиллар мавсумида ярим ҳимоячи Мадрид клуби сафида барча мусобақаларда 43 та ўйинда майдонга тушиб, ўз ҳисобига иккита гол ва битта голли узатмани ёздириб қўйган.
