«Комо» таркиби янги футболчи билан бойиди — марказий ярим ҳимоячи Луис Милья Италия клуби билан шартнома имзолади. Бу ҳақда «бьянкоблу» расмий сайтида хабар берилган.
Испаниялик футболчи «Комо»га «Хетафе» клубидан кўчиб ўтди. Миш-мишларга кўра, трансфер суммаси 6 миллион еврони ташкил этган. Милья янги клуби билан уч йиллик меҳнат шартномаси тузди.
Ортда қолган мавсумда 31 ёшли испаниялик футболчи Испания Ла Лигаси доирасида 37 та ўйинда майдонга тушган. Унинг ҳисобида битта гол ва 10 та голли узатма мавжуд.
Эслатиб ўтамиз, бўлажак мавсумда «Комо» Чемпионлар лигасида иштирок этади. Сеск Фабрегас шогирдлари А Сериянинг ўтган мавсумини тўртинчи ўринда якунлашган эди.
