«Komo» tarkibi yangi futbolchi bilan boyidi — markaziy yarim himoyachi Luis Milya Italiya klubi bilan shartnoma imzoladi. Bu haqda «byankoblu» rasmiy saytida xabar berilgan.
Ispaniyalik futbolchi «Komo»ga «Xetafe» klubidan ko‘chib o‘tdi. Mish-mishlarga ko‘ra, transfer summasi 6 million yevroni tashkil etgan. Milya yangi klubi bilan uch yillik mehnat shartnomasi tuzdi.
Ortda qolgan mavsumda 31 yoshli ispaniyalik futbolchi Ispaniya La Ligasi doirasida 37 ta o‘yinda maydonga tushgan. Uning hisobida bitta gol va 10 ta golli uzatma mavjud.
Eslatib o‘tamiz, bo‘lajak mavsumda «Komo» Chempionlar ligasida ishtirok etadi. Sesk Fabregas shogirdlari A Seriyaning o‘tgan mavsumini to‘rtinchi o‘rinda yakunlashgan edi.
