Симон Жаҳон чемпионатларида ҳаммадан ҳам узоқ вақт давомида ўз дарвозаси дахлсизлигини сақлаб келмоқда.
Испания терма жамоаси дарвозабони Унаи Симон Жаҳон чемпионатлари тарихида гол ўтказиб юбормасдан энг узоқ вақт ҳаракат қилган голкиперга айланди — 519 дақиқа.
У Италия терма жамоаси таркибида Жаҳон чемпионатида 517 дақиқа давомида гол ўтказмаган Вальтер Дзенганинг натижасидан ўзиб кетди.
Испанияликларнинг ЖЧ-2026 1/16 финали доирасида Австрияга қарши кечган баҳсида (3:0) Симон ушбу кўрсаткич бўйича Икер Касильяснинг Испания терма жамоасига тегишли бўлган рекордини (476 дақиқа) ҳам янгилашга муваффақ бўлди.
ЖЧ-2022 мусобақасида 1/8 финалда Испанияни пенальтилар сериясида мағлуб этган Марокаш терма жамоаси ҳам асосий вақтда Симон дарвозасига йўл топа олмаган эди (0:0, пен. бўйича 3:0). Ушбу Жаҳон чемпионатида эса Симон Кабо-Верде, Саудия Арабистони, Уругвай ва Австрия терма жамоаларига қарши ўйинларда ўз дарвозаси дахлсизлигини сақлаб қолди.
Унаи Симон дарвозасига урилган сўнгги гол 2022 йилги мундиалнинг гуруҳ босқичи 3-туридан ўрин олган Японияга қарши учрашувнинг 51-дақиқасига тўғри келади.
