Испания терма жамоаси охирги 32 йил ичида Жаҳон чемпионатининг плей-офф босқичларида сермаҳсуллик борасида мақтана олмас эди.

Луис де ла Фуэнте шогирдлари ЖЧ-2026нинг 1/16 финалида Австрия терма жамоасини тор-мор келтирди (3:0).

Испанияликлар 1994 йилдан буён илк бор мусобақанинг плей-офф учрашувида биттадан кўп гол уришга муваффақ бўлишди. Ўшанда 1/8 финал доирасида Швейцария терма жамоаси устидан 3:0 ҳисобида ғалаба қозонилган эди.

Эътиборли жиҳати шундаки, Испания терма жамоаси ушбу давр оралиғида, яъни 2010 йилда Жаҳон чемпионлигини қўлга киритишга ҳам улгурган (ўшанда барча плей-офф ўйинлари 1:0 ҳисобида якунланган).