ЖЧ-2026нинг 1/16 финалидан ўрин олган Хорватияга қарши учрашувда Португалия терма жамоасига ғалаба келтирган гол муаллифи Гонсалу Рамуш финал ҳуштагидан сўнг журналистлар билан суҳбатлашди.
«Милан»нинг янги аъзоси 94-дақиқада рақиб дарвозасини ишғол қилиб, таблода якуний ҳисобни ўрнатди — 2:1.
«Қийин ўйин бўлди. Биринчи бўлиб дарвозамиздан тўп ўтказиб юбордик, азоб чекишимизга тўғри келди, ҳафсалани пир қиладиган вазиятлар ҳам бўлди, лекин энг муҳими — ғалаба бизники бўлди. Биз ўз кучимизни кўрсата олдик ва кейинги босқичга йўл олдик. Энди ҳаммаси ортда қолди, эътиборни бўлажак учрашувга қаратишимиз лозим», — деди Рамуш ўйиндан кейинги интервьюсида.
6 июль куни Португалия терма жамоаси Жаҳон чемпионатининг 1/8 финалида Испанияга қарши майдонга тушади.
