Таркибида Криштиану Роналду бўлган Португалия терма жамоаси ЖЧ-2026нинг 1/16 финалида Лука Модрич етакчилигидаги Хорватия устидан иродали ғалабага эришди.
41 ёшли ҳужумчи 68-дақиқада ҳисобни тенглаштирган бўлса, ҳакам томонидан қўшиб берилган вақтда Гонсалу Рамуш португалияликларга кейинги босқич йўлланмасини тақдим этди.
«Мен Модрич билан кўп йиллар давомида бирга тўп сурганман. Унинг ҳали ҳам юқори даражада ҳаракат қилаётганини кўриш жуда ёқимли. Мен уни ажойиб фаолияти билан табрикладим ва келажакда энг эзгу тилакларимни билдирдим», — дея Роналдунинг сўзларидан иқтибос келтиради The Touchline нашри.
40 ёшли ярим ҳимоячи учун ушбу учрашув Хорватия терма жамоаси либосидаги ва умуман олганда фаолиятидаги сўнгги ўйин бўлиши мумкин.
Португалия Жаҳон чемпионатининг 1/8 финалида Испания билан тўқнаш келади.
