Аргентина терма жамоаси бош мураббийи Лионель Скалони жаҳон чемпионатида ҳакамларнинг унинг жамоасига ён босаётгани ҳақидаги фикрларга изоҳ берди.
Ҳакамларнинг аргентиналикларга нисбатан юмшоқ муносабатда бўлаётгани ҳақидаги гап-сўзлар «альбиселесте»нинг ғалабаси билан якунланган аввалги мундиалдан бери давом этиб келмоқда.
«Бизга ҳакамлик қилишда ён босиляптими? Биз ижтимоий тармоқларни умуман ўқимаслигимиз керак. Бугунги кунда исталган одам тармоқда ниманидир эълон қилиши ва йўқ нарсадан муаммо ясаши мумкин», – дея таъкидлади Скалони матбуот анжуманида.
ЖЧ-2026 1/16 финалида Аргентина терма жамоаси Кабо-Верде вакилларига қарши баҳс олиб боради – учрашув 4 июль куни Тошкент вақти билан 03:00 да бўлиб ўтади.
