Хорватия миллий терма жамоаси устози Златко Далич ЖЧ-2026 1/16 финали доирасида Португалияга қарши кечган ўйиндаги ҳакамликни кескин танқид остига олди.
«Ёмон ҳакамлик. Фойдамизга бирорта ҳам қоидабузарлик қайд этилмади. Нима бўлган тақдирда ҳам, биз мағлубиятга учрадик, шунинг учун ҳакамлар ҳақида кўп гапиришдан маъно йўқ. Узр сўрайман», - дея мутахассиснинг сўзларини келтиради A Bola нашри.
Хорватия ва Португалия терма жамоалари ўртасидаги учрашув 1:2 ҳисобида якунланди.
Жаҳон чемпионатининг кейинги плей-офф босқичида Роберто Мартинес шогирдлари Испания миллий терма жамоаси билан тўқнаш келишади. Ушбу баҳс душанба куни, 6 июль куни бўлиб ўтади.
