Германия футбол иттифоқи (DFB) раҳбарияти ва Германия терма жамоаси бош мураббийи Юлиан Нагельсман ўзаро келишувга эришди. Унга кўра, мутахассис ўз хоҳиши билан лавозимини тарк этган тақдирда 7 миллион евро миқдорида товон пули олади. Бу ҳақда AS нашри хабар берди.
Манба маълумотига кўра, Германия футбол иттифоқи раҳбарияти Нагельсманни ихтиёрий равишда истеъфога чиқишга кўндиришга уринмоқда. Улар бу қарор мураббийнинг обрўсига ижобий таъсир кўрсатишини таъкидламоқда. Шу билан бирга, молиявий масала ҳам муҳим омил бўлиб қолмоқда. Агар Нагельсман ишдан бўшатилса, у тахминан 14 миллион евро товон пули олиши мумкин.
Эслатиб ўтамиз, Германия терма жамоаси 2026 йилги жаҳон чемпионати 1/16 финалида Парагвайга асосий вақтда 1:1 ҳисобида дуранг ўйнаб, пенальтилар сериясида 3:4 ҳисобида мағлуб бўлди ва мусобақа билан хайрлашди.
