«Кристал Пэлас»нинг собиқ бош мураббийи Оливер Гласнер яқин вақт ичида «Ноттингем Форест»ни қабул қилиб олади. Бу ҳақда журналист Фабрицио Романо X ижтимоий тармоғида хабар берди.
Манбага кўра, австриялик мутахассис янги клубига ўзининг бир қатор ёрдамчиларини ҳам олиб келади. Шунингдек, Гласнер жамоанинг трансфер сиёсати бўйича қарорлар қабул қилиш жараёнида ҳам муҳим роль ўйнайди.
Эслатиб ўтамиз, «Ноттингем Форест»нинг аввалги бош мураббийи Витор Перейра эди. У жамоани 2026 йил февраль ойидан бошқариб келган.
Перейра раҳбарлигида «ўрмончилар» Европа лигаси ярим финалигача етиб боришди ҳамда Англия Премьер-лигасида ўз ўринларини сақлаб қолишга муваффақ бўлишди.
