Аргентина терма жамоаси ярим ҳимоячиси Родриго Де Пауль Жаҳон чемпионати плей-оффи олдидан миллий жамоа либосини кийиш ҳар сафар алоҳида масъулият эканини таъкидлади.

«Эртанги ўйинга худди сўнггисига чиқаётгандек тайёргарлик кўряпман. Менинг муносабатим айнан шундай. Албатта, бу ўйин сўнггиси бўлмаслиги учун қўлимдан келган барча ишни қиламан ва олдинда яна кўп учрашувлар бўлишига ишонаман.

Биз ёш футболчиларга ҳам ҳар сафар шу формани кийганингизда, бу сиз учун сўнгги ўйин бўлиши мумкинлигини айтамиз. Бунинг содир бўлмаслиги эса ўз қўлимизда.

Сўнгги саккиз-тўққиз йил ичида терма жамоа либосини кийишни давом эттиришнинг ягона йўлини тушундим — унинг ҳеч қачон тугашини истамаслик ва ҳар доим бор кучингни бериш.

Қайси мусобақа ёки қайси рақиб бўлишидан қатъи назар, миллий жамоа либосини кийганимизда ўзимизни аямаймиз. Бу формани кийиш — эришиш мумкин бўлган энг олий шараф», — деди Де Пауль ESPN нашрига.