Германия терма жамоаси ярим ҳимоячиси Жамол Мусиала 2026 йилги Жаҳон чемпионатидан чиқиб кетганидан сўнг ижтимоий тармоқлар орқали мухлисларга мурожаат қилди.
«Биз бу турнирда анча катта натижаларга эришишни истагандик. Бу, албатта, менга ҳам тегишли. Орадан бир неча кун ўтган бўлса-да, ҳали ҳам бошқа нарса ҳақида ўйлаш ёки бу сўзларни ёзиш мен учун қийин.
Биз мухлисларимизнинг қандай қўллаб-қувватлаганини кўрдик. Ҳар бир стадиондаги муҳит ажойиб эди. Худди шундай қўллаб-қувватлов Германияда ва дунёнинг бошқа жойларида ҳам бўлди. Энг оғири эса — барчангизнинг ишончини оқлай олмаганимизни англаш.
Энди куч тўплашимиз ва бу муваффақиятсизликдан тўғри хулоса чиқаришимиз керак. Айниқса, сўнгги кунларда билдирилган қўллаб-қувватлаш ва далда сўзлари учун барчага катта раҳмат», — деб ёзди Мусиала ўзининг ижтимоий тармоқдаги саҳифасида.
