Англия терма жамоасининг собиқ ярим ҳимоячиси Алекс Окслейд-Чемберлен фаолиятини Шотландиянинг «Селтик» клубида давом эттиради. Бу ҳақда Sky Sports хабар берди.

Манба маълумотига кўра, томонлар бир йиллик янги шартнома бўйича тўлиқ келишувга эришган.

Окслейд-Чемберлен 2026 йил февраль ойида эркин агент сифатида «Селтик» сафига қўшилган эди. Унинг аввалги шартномаси 2025/2026 йилги мавсум якунига қадар амал қилган.

Қайд этилишича, жамоа бош мураббийи Мартин О'Нил ярим ҳимоячининг ўйинидан мамнун. Футболчининг ўзи ҳам Европанинг бошқа клубларидан таклифлар бўлишига қарамай, «Селтик»да қолишни маъқул кўрган.