Миср терма жамоаси ҳужумчиси Муҳаммад Салоҳ Австралияга қарши баҳсининг энг яхши футболчиси деб топилди.
Учрашувнинг асосий ва қўшимча вақтлари 1:1 ҳисоби билан якунланди. Пенальтилар сериясида эса мисрликлар 4:2 ҳисобида устун келиб, кейинги босқичга йўл олди.
Салоҳ пенальтилар сериясида ўз имкониятидан ишончли фойдаланиб, тўпни дарвозанинг марказига маҳорат билан йўллади.
Учрашув давомида Миср терма жамоаси сардори ҳужумдаги энг фаол футболчилардан бири бўлди. У рақиб дарвозаси олдида бир неча хавфли вазиятлар яратди, стандарт ҳолатларни ижро этди ҳамда жамоасининг голига олиб келган комбинацияда муҳим иштирок этди.
Эндиликда Миср терма жамоаси Жаҳон чемпионати 1/8 финалида Аргентина — Кабо-Верде жуфтлиги ғолиби билан куч синашади.
