Франция терма жамоаси ҳимоячиси Жюль Кунде Жаҳон чемпионати-2026 плей-офф босқичида Парагвайга қарши ўйин олдидан бўлажак баҳс ҳақида ўз фикрлари билан ўртоқлашди.
«Ҳар бир жамоанинг ўзига хос жиҳатлари бор. Парагвай жуда курашувчан рақиб ва биз оғир ўйинни кутяпмиз. Ўзимизни кўрсатиш учун жисмоний курашга тўлиқ тайёр бўлишимиз керак.
Жисмоний ҳолатим анча яхшиланди ва бу машғулотлардаги меҳнатим самарасидир. Иссиқ ҳаво чарчоқни кучайтиради, аммо биз бу шароитга мослашяпмиз. Ҳар бир кундан максимал даражада фойдаланиб, яхши тикланишга ҳаракат қиляпмиз», — деди Кунде L'Équipe нашрига.
