«Милан» клубининг таянч ярим ҳимоячиси Юссуф Фофана Англия Премьер-лигасининг номи ошкор қилинмаган икки клуби қизиқишлари доирасига тушиб қолди. Бу ҳақдаги маълумотни инсайдер Николо Скира ўзининг ижтимоий тармоқдаги саҳифасида эълон қилди.

Манба берган хабарга кўра, ушбу клублар «Милан»нинг янги бош мураббийи Рубен Аморимнинг режаларига кирмаётган 27 ёшли франциялик футболчи бўйича сўров юборишган. Фофананинг ўзи ҳам шу ёзда Италия клубини тарк этишга тайёр.

2025/26 йилги мавсумда Фофана барча мусобақаларда 36 та ўйинда майдонга тушиб, 2 та гол урди ва 4 та голли узатмани расмийлаштирди.

Ярим ҳимоячининг «россонерилар» билан шартномаси 2028 йилгача мўлжалланган. Transfermarkt экспертлари футболчининг трансфер қийматини 23 миллион еврога баҳолашмоқда.