«Ливерпуль» клуби ва Нидерландия терма жамоаси марказий ҳимоячиси Виржил ван Дейк жорий трансфер ойнасида клубини ўзгартириши мумкин. Юлдуз футболчида фаолиятини давом эттириш учун бир нечта вариантлар мавжуд.
Teamtalk журналистларининг берган маълумотига кўра, Европанинг ўзида 34 ёшли ҳимоячига Италиянинг «Милан» ҳамда Истанбулнинг «Галатасарой» ва «Фенербахче» клублари жиддий қизиқиш билдирмоқда. Шунингдек, ван Дейкда АҚШ (МЛС) ва Саудия Арабистони чемпионати жамоаларидан ҳам таклифлар бор.
Маълумот учун, Виржил ван Дейк 2018 йилнинг январь ойидан буён мерсисайдликлар шарафини ҳимоя қилиб келади. Виржил ва «қизиллар» ўртасидаги амалдаги шартнома муддати 2027 йилнинг июнь ойи охирида якунига етади. Унинг трансфер бозоридаги айни пайтдаги баҳоси 15 миллион еврони ташкил этмоқда.
