Аргентина терма жамоаси ҳужумчиси Лионель Месси Кабо-Вердега қарши кечган учрашувнинг мазмуни ҳақида ўз фикрлари билан ўртоқлашди.

ЖЧ-2026нинг 1/16 финали доирасида бўлиб ўтган ушбу баҳс қўшимча бўлимлардан сўнг «альбиселесте»нинг 3:2 ҳисобидаги ғалабаси билан якунланди. Асосий 90 дақиқа тугаганида таблода 1:1 ҳисоби акс этиб турган эди.

«Биз киритган биринчи голимиз ўйинни назорат қилишимизга ва хотиржамроқ ҳаракат қилишимизга ёрдам беради деб ўйлагандик — бироқ бунинг тамомила тескариси содир бўлди. Биз тўпни йўқота бошладик, баъзи вазиятларда ҳаддан ташқари чуқур ҳимояландик ва ўзимиз истагандек прессинг қила олмадик.

Жаҳон чемпионатини мана шундай ўзига хос турнирга айлантирадиган жиҳат ҳам айнан шундадир! Биз бор кучимизни бердик, аммо барибир ўзимизнинг энг яхши ўйинимизни намойиш эта олмадик», — дея The Touchline нашри учрашувнинг 29-дақиқасида биринчи голни урган Мессининг сўзларини келтиради.

Айнан ушбу 39 ёшли форвард учрашувнинг энг яхши футболчиси деб топилди.