Америка терма жамоасининг Жаҳон чемпионати — 2026 плей-офф босқичидаги илк учрашуви жамоатчиликда НБА финалига қараганда каттароқ қизиқиш уйғотди. Телевизион экспертларнинг ҳисоб-китобларига кўра, ушбу баҳснинг аудиторияси 24 миллион телетомошабинни ташкил этган.
Бу Шимолий Американинг, қолаверса, бутун дунёнинг энг элитар баскетбол лигаси ҳисобланган НБА чемпионати финали тўплаган томошабинлар сонидан нақд тўрт миллионга кўпдир.
Эслатиб ўтамиз, Қўшма Штатлар терма жамоаси ўйиннинг сўнгги ярим соатини майдонда бир киши кам бўлиб — ўн киши бўлиб ўтказганига қарамай, Босния терма жамоасини 2:0 ҳисобида мағлуб этишга муваффақ бўлди. Жаҳон чемпионатининг финал учрашуви шу йилнинг 19 июль куни бўлиб ўтади. Турнирнинг амалдаги ғолиби Аргентина терма жамоаси ҳисобланади.
