Франция миллий терма жамоасининг қанот ҳужумчиси Дезире Дуэ ЖЧ-2026 да «учранглилар»нинг асосий таркибидан жой олиш учун вингер Брэдли Баркола билан бўлаётган рақобат ҳақидаги саволга жавоб берди.
«ПСЖ» футболчиси терма жамоада клубдоши билан ҳеч қандай адоват ёки рақобат йўқлигини тан олди.
«Биз бир жамоанинг аъзоларимиз. Бош мураббий асосий таркиб бўйича қарор қабул қилади, аммо жамоанинг ҳар бир аъзоси ўз ролига эга ва ҳар бир футболчи ўз ҳиссасини қўшиши мумкин. Иккаламиз ҳам турли позицияларда ўйнаймиз, лекин бир-биримизни ажойиб тарзда тўлдирамиз», — дея Дуэнинг сўзларини келтиради ФИФА расмий сайти.
Дидье Дешам шогирдлари АҚШ, Мексика ва Канада мезбонлик қилаётган мундиал финали сари йўлини давом эттирмоқда. 1/8 финалда французлар Парагвай терма жамоасига қарши майдонга тушадилар. Учрашув 5 июлга ўтар кечаси Тошкент вақти билан соат 02:00 да бошланади.
