«Спортинг»нинг таянч ярим ҳимоячиси Мортен Юльманн Мадриднинг «Атлетико» клуби аъзосига айланиши мумкин. Бу ҳақда A BOLA нашри хабар бермоқда.

Манбанинг маълумотларига кўра, клублар футболчининг трансферини яқин кунларда келишиб олишлари мумкин. «Спортинг» мавсум олди йиғинларига жўнаб кетишидан олдин, томонлар келаси ҳафта ушбу келишувни якунлашни мақсад қилишган.

Музокаралар ижобий руҳда кечаётгани ва фақатгина бир нечта деталларни келишиб олиш қолгани айтилмоқда. Трансфер суммаси 40 миллион еврони ташкил қилиши мумкин.

2025/26 йилги мавсумда Юльманн барча турнирларни ҳисобга олган ҳолда 45 та ўйинда майдонга тушиб, 3 та гол урди ва 6 та голли узатмани ўз ҳисобига ёздириб қўйди.