«Челси» ярим ҳимоячиси Энцо Фернандеснинг қайлиғи Валентина Сервантес, футболчига «Реал Мадрид» томонидан қизиқиш бўлаётгани ҳақидаги миш-мишлар фонида, Мадридда яшашни хоҳлаш-хоҳламаслиги тўғрисидаги саволга жавоб берди.
"Йўқ, Лондонда ҳаммаси жойида. Ўғлим Англияда туғилган. У ўша ерда мактабга боради ва жуда бахтли", — дея Сервантеснинг сўзларини El Chiringuito нашри келтирмоқда.
Бундан олдинроқ «Реал» матбуот хизмати расмий баёнот бериб, Мадрид клуби Энцо Фернандес трансфери бўйича ҳеч қандай таклиф киритмаганини маълум қилган эди. Шу билан бирга, ярим ҳимоячининг агенти Хавьер Пасторе футболчи «Челси»ни тарк этмоқчи эканлиги ва янги жамоа қидираётганини таъкидлаган. Хавбекнинг «кўклар» (лондонликлар) билан амалдаги шартномаси 2032 йилнинг 30 июнига қадар мўлжалланган.
