Швеция терма жамоасининг собиқ ҳужумчиси Златан Ибраҳимович ЖЧ-2026 1/8 финалида Франциянинг Парагвай устидан 1:0 ҳисобидаги ғалабаси ҳақида ўз фикрларини билдирди.

«Агар мен бу ўйинда иштирок этганимда, аниқ 4-5 та қизил карточка олардим. Рақиб мени жаҳлимни чиқаришга уринса, бу менга ёқмайди.

Аммо Франция хотиржамлигини сақлаб қолди. Футболчилар босиқлик билан ҳаракат қилди, ўзини эркин тутди ва провокацияларга табассум билан жавоб қайтарди. Бу энг яхши йўл — кулиб қўйиш ва рақибнинг ўйинига берилмаслик», — деди Ибраҳимович Fox Sports нашрига берган интервьюсида.

Франция терма жамоаси ушбу ғалабадан сўнг жаҳон чемпионати чорак финалига йўл олди. Французлар кейинги босқичда Марокаш миллий жамоасига қарши майдонга тушади.

Парагвайга қарши баҳсдаги ягона голни Килиан Мбаппе пенальтидан киритди.