Таниқли инсайдер Фабрицио Романо «Манчестер Сити» ва «Реал Мадрид» клубларининг «Челси» ярим ҳимоячиси Энцо Фернандесга бўлаётган қизиқишлари ҳақидаги миш-мишларга муносабат билдирди.
"Реал" билан келишув амалга ошмаганидан кейин пайдо бўлган янги миш-мишларга қарамай, айни дамда "Манчестер Сити" ва Энцо Фернандес ўртасида ҳеч қандай музокаралар олиб борилмаяпти. Энцонинг келажаги фақатгина Жаҳон чемпионати якунланганидан сўнг муҳокама қилинади", — деб ёзди Романо.
Энцо Фернандес 2023 йилда «Бенфика»дан «Челси»га 121 миллион евро эвазига ўтган эди. Унинг клуб билан шартномаси 2032 йилнинг 30 июнига қадар мўлжалланган. 2025/26 йилги мавсумда аргентиналик футболчи Лондон клуби сафида барча турнирларда 54 та ўйинда майдонга тушиб, 15 та гол урди ва 7 та голли узатмани амалга оширди. Transfermarkt портали Фернандеснинг трансфер қийматини 90 миллион еврога баҳоламоқда.
