«Кристал Пэлас» ва Франция терма жамоаси ҳимоячиси Максанс Лакруа топ-клублар эътиборини тортишда давом этмоқда.

RMCSport нашрининг хабарига кўра, футболчининг трансферига «Ливерпуль» қизиқиш билдирмоқда. «Қизиллар» ушбу француз учун курашда унинг асосий харидори бўлиб турган «Челси»ни ортда қолдирмоқчи. «Ливерпуль» Лакруани жамоани эркин агент мақомида тарк этиб, «Реал»га ўтган Ибраима Конатега муносиб ўринбосар сифатида кўрмоқда.

Максанс Лакруа 2024 йилда «Вольфсбург»дан «Кристал Пэлас»га 18 миллион евро эвазига ўтган эди. Унинг амалдаги шартномаси 2029 йилнинг 30 июнига қадар мўлжалланган. 2025/26 йилги мавсумда ҳимоячи «бургутлар» сафида барча турнирларда 55 та ўйинда майдонга тушиб, 3 та гол урди ва 3 та голли узатмани амалга оширди. Transfermarkt портали Лакруанинг трансфер қийматини 50 миллион еврога баҳоламоқда.