Франция терма жамоаси бош мураббийи Дидье Дешам ОАВ вакилларини Килиан Мбаппе атрофида салбий оммавий образ яратганликда айблаб, кескин танқид қилди.
Эслатиб ўтамиз, франциялик ҳужумчи Мадриднинг «Реал» клубида Винисиус Жуниор билан юзага келган можаро сабабли мадридлик мухлисларнинг нафратига (хейтига) дуч келган эди. Ишқибозлар бразилиялик футболчининг томонини олиб, Мбаппедан жамоани тарк этишни талаб қилишмоқда.
«Сиз Килиан Мбаппени худди бир диктатордек кўрсатяпсиз... Ваҳоланки, аслида ҳаммаси бунинг аксидир. Унинг омма кўзидаги образи ҳақиқатга мутлақо тўғри келмайди. Килиан доимо фикрлаши теран, улғайган инсон бўлган ва бутун жамоа унинг ортидан эргашади», — дея мутахассиснинг сўзларини машҳур инсайдер Фабрицио Романо келтирмоқда.
Маълумот учун, Мбаппе кечагина ЖЧ–2026 мусобақасидаги ўзининг еттинчи голини урди. Унинг пенальтидан киритган тўпи французларга Парагвайни мағлуб этишга (1:0) ва чорак финалга йўл олишга ёрдам берди. Ушбу босқичда Дешам шогирдларига Марокаш терма жамоаси рақиблик қилади.
