Канада терма жамоаси бош мураббийи Жесси Марш «Бавария» ҳимоячиси Альфонсо Дэвис ЖЧ-2026 нинг 1/8 финали доирасидаги Марокашга қарши учрашувда нима учун майдонда кўриниш бермаганига изоҳ берди.
«Кечаги машғулотда у ўзини у қадар яхши ҳис қилмади. Биз МРТ текширувини ўтказдик, ҳаммаси жойида чиқди, бироқ унинг тизза орти пайларида (соннинг орқа мушакларида) оғриқ бор эди.
Албатта, у майдонга туша олмаганидан афсусда. Лекин менимча, бу тўғри қарор бўлди. Унинг соғлиғи ва футболчилик фаолиятини асраб қолишимиз керак эди. У кучини тўлиқ тиклаб олиши зарур», — дея Маршнинг сўзларидан иқтибос келтиради ФИФА расмий сайти.
Эслатиб ўтамиз, Канада 1/8 финал баҳсида Марокашга 0:3 ҳисобида имкониятни бой берди. Альфонсо Дэвис эса бутун ўйинни захира ўриндиғида ўтказди.
