Испания терма жамоаси ярим ҳимоячиси Педри мураббий Ханс-Дитер Фликнинг «Барселона» муваффақиятларига қўшган ҳиссаси ҳақида гапирди.
«Кўк-анорранглилар» германиялик мутахассис қўл остида иккита муваффақиятли мавсумни ўтказиб, ички аренадаги олтита совриндан бештасини қўлга киритишди. Педрининг ўзи ҳам амалдаги бош мураббий қўл остида янги қирраларини оча олди.
«Флик майдондаги позициямни ўзгартирди, лекин энг муҳими — у бизга ғолиблик менталитетини, рақобатбардошлик руҳини сингдирди. Мураббий жамоани руҳий томонлама ўзгартира олди ва бунинг учун ундан миннатдор бўлишимиз керак», — дея Barcacentre 23 ёшли хавбекнинг сўзларини келтирмоқда.
6 июль куни Испания терма жамоаси Педри билан биргаликда Жаҳон чемпионатининг 1/8 финалида Португалияга қарши майдонга тушади
