Англия терма жамоасининг собиқ сардори Алан Ширер инглизлар жаҳон чемпионатининг 1/8 финал босқичида дуч келадиган қийинчиликлар мавзусида ўз фикрларини билдирди. Мексика билан учрашув 6 июль куни бўлиб ўтади.
«Мен Англияни «Ацтека»да кутаётган қийин шароитлар ҳақида кўплаб гап-сўзларни эшитдим, лекин бу футболчиларни хавотирга солади деб ўйламайман. Улар фақат бир нарса ҳақида ўйлашади: «Қани, бошлайлик». Мен ҳам худди шундай фикрлаган бўлардим», — дея Ширернинг сўзларини келтирмоқда BBC.
Англияни жиддий синов кутмоқда — ўйин кденгиз сатҳидан 2 км дан сал кўпроқ ва Мексика учун мезбонлик қилувчи трибуналар қўллаб-қувватлови остида ўтади.
«Бундай ўйинлар — айнан бутун фаолиятинг давомида меҳнат қилишингга арзийдиган баҳслардир. Чорак финал йўлланмаси ҳал бўлаётган пайтда, жаҳон чемпионатида бундай афсонавий стадионда тўп суриш — бу ҳар бир болакайнинг орзуси.
Ҳа, 1966 йилдан бери Мексика «Ацтека»да атиги 2 та расмий ўйинда мағлуб бўлган. Бу ҳурматга лойиқ. Аммо улар кимларга қарши ўйнаганига эътибор қаратсангиз, рақиблар доим ҳам топ-даражада бўлавермаган. Бу уларни енгилмас қилиб қўймайди», деди Алан.
