Angliya terma jamoasining sobiq sardori Alan Shirer inglizlar jahon chempionatining 1/8 final bosqichida duch keladigan qiyinchiliklar mavzusida o‘z fikrlarini bildirdi. Meksika bilan uchrashuv 6 iyul kuni bo‘lib o‘tadi.

«Men Angliyani «Asteka»da kutayotgan qiyin sharoitlar haqida ko‘plab gap-so‘zlarni eshitdim, lekin bu futbolchilarni xavotirga soladi deb o‘ylamayman. Ular faqat bir narsa haqida o‘ylashadi: «Qani, boshlaylik». Men ham xuddi shunday fikrlagan bo‘lardim», — deya Shirerning so‘zlarini keltirmoqda BBC.

Angliyani jiddiy sinov kutmoqda — o‘yin kdengiz sathidan 2 km dan sal ko‘proq va Meksika uchun mezbonlik qiluvchi tribunalar qo‘llab-quvvatlovi ostida o‘tadi.

«Bunday o‘yinlar — aynan butun faoliyating davomida mehnat qilishingga arziydigan bahslardir. Chorak final yo‘llanmasi hal bo‘layotgan paytda, jahon chempionatida bunday afsonaviy stadionda to‘p surish — bu har bir bolakayning orzusi.

Ha, 1966 yildan beri Meksika «Asteka»da atigi 2 ta rasmiy o‘yinda mag‘lub bo‘lgan. Bu hurmatga loyiq. Ammo ular kimlarga qarshi o‘ynaganiga e’tibor qaratsangiz, raqiblar doim ham top-darajada bo‘lavermagan. Bu ularni yengilmas qilib qo‘ymaydi», dedi Alan.