Indykaila News нашрининг тарқатган маълумотларига кўра, аргентиналик футболчи билан шартнома имзолашга «Бавария» клуби қизиқиш билдирмоқда. Мюнхенликлар айни дамда футболчи атрофидаги вазиятни синчиклаб ўрганишмоқда ва агар қулай имконият туғилса, унинг трансфери бўйича расмий таклиф билан чиқишлари мумкин.
Эслатиб ўтамиз, Энцо Фернандес 2023 йилда «Бенфика»дан «Челси» сафига 121 миллион евро эвазига ўтган эди. Унинг лондонликлар билан амалдаги шартномаси 2032 йилнинг 30 июнига қадар мўлжалланган.
2025/26 йилги мавсумда аргентиналик футболчи Лондон клуби таркибида барча мусобақаларда 54 та ўйинда майдонга тушиб, ўз ҳисобига 15 та гол ва 7 та голли узатмани ёздириб қўйишга муваффақ бўлди. Transfermarkt портали Фернандеснинг айни пайтдаги трансфер қийматини 90 миллион еврога баҳоламоқда.
