Аргентина терма жамоасининг собиқ голкипери Серхио Гойкочеа европаликлар Парагвай устидан ғалаба қозонган (1:0) жаҳон чемпионати 1/8 финал учрашувидан сўнг Франция миллий жамоаси ҳужумчиси Килиан Мбаппега мурожаат қилди.
Гойкочеа финал ҳуштагидан кейин Мбаппенинг ўзини тутишидан норози бўлди. Французлар сардори Парагвай жамоаси дарвозабони Орландо Хиль билан қўл бериб кўришишни истамади. Бунга жавобан Хиль рақибнинг ҳаракатига ҳис-туйғуларини жиловлай олмай муносабат билдирди ва Мбаппе шериклари томон кетаётганда унинг орқасидан тўпни отди.
«Тўғрисини айтсам, Мбаппе билан боғлиқ бутун бу воқеа — шармандалик. Унинг атрофидаги бунчалик шов-шувларни тушунаман, лекин ўйинда ғалаба қозониб туриб, якунда бундай йўл тутиш ва провокация қилиш ярамайди», — дея Гойкочеанинг сўзларидан иқтибос келтирмоқда Marca.
Чорак финалда Франция терма жамоаси 9 июль куни Марокашга қарши майдонга тушади.
