Франция футбол федерацияси (FFF) Жаҳон чемпионати–2026 1/8 финали доирасида Парагвай терма жамоасига қарши кечган баҳсда ҳужумчи Майкл Олисе олган сариқ карточка туфайли ФИФАга норозилик аризаси топшириш имкониятини кўриб чиқмоқда, деб хабар беради RMC Sport.

Шанбадан якшанбага ўтар кечаси французлар парагвайликларни 1:0 ҳисобида мағлуб этишди. Иккинчи бўлимга қўшиб берилган еттинчи дақиқада 24 ёшли Олисе ярим ҳимоячи Матиас Галарса билан тўқнашиб кетгани (жанжаллашгани) учун огоҳлантириш олди.

Манбанинг қайд этишича, FFF бу огоҳлантиришни хато бўлган бўлиши мумкин деб ҳисобламоқда. ФИФАнинг ЖЧ-2026 1/8 финалидаги Бельгияга қарши ўйин олдидан АҚШ терма жамоаси ҳужумчиси Фоларин Балогуннинг дисквалификациясини вақтинча тўхтатиб туриш ҳақидаги қарори фонида, ушбу эҳтимолий ариза бўйича муҳокамалар янада кучайди.

Агар Олисе чорак финал учрашувида ҳам сариқ карточка олса, дисквалификация туфайли эҳтимолий ярим финал баҳсини ўтказиб юборади.

Жаҳон чемпионатининг 1/4 финалида Франция 9 июля куни Бостонда Марокашга қарши майдонга тушади.