«Ливерпуль»нинг собиқ футболчиси Стивен Жеррард мерсисайдликлар клуби тарихидаги энг яхши футболчи деб топилгани ҳақида гапирди.

«Бу мен учун катта шараф. Бундан жуда ҳам мамнунман. Катта раҳмат. Ушбу оиланинг бир қисми эканлигимдан бахтиёрман. Мен учун мухлислар томонидан берилган бу эътироф жуда муҳим», — дея собиқ футболчининг сўзларини келтиради мерсисайдликлар клуби матбуот хизмати.

Эслатиб ўтамиз, Стивен 1998 йилдан 2015 йилгача бўлган даврда «Ливерпуль» шарафини ҳимоя қилган. «Қизиллар» таркибида Жеррард 186 та гол уришга муваффақ бўлган. Англия миллий терма жамоаси сафида эса собиқ ярим ҳимоячи 114 та учрашувда майдонга тушиб, ўз ҳисобига 21 та гол ёздириб қўйган.