«Милан» ва Португалия терма жамоаси вингери Рафаэл Леау фаолиятини «Тоттенхэм»да давом эттириши мумкин.
«Шпорлар» 27 ёшли футболчининг вакиллари билан музокаралар ўтказишга улгурди. TEAMtalk нашрининг хабар беришича, португалиялик футболчи ушбу ўтишга тайёр эканлигини билдирган. «Россонерилар» юлдузини Англия Премьер-лигасида тўп суриш истиқболи ўзига жалб қилмоқда.
Рафаэл Леауни сотиб олиш имкониятини, шунингдек, «Барселона», «Манчестер Юнайтед» ва «Арсенал» клублари ҳам кўриб чиқмоқда. Футболчининг ўзи трансфер ойнаси очилишидан олдинроқ «Милан»ни тарк этиш ва янги чемпионатда ўз кучини синаб кўриш истаги борлигини оммавий равишда эълон қилган эди.
Transfermarkt портали Леаунинг трансфер қийматини 50 миллион еврога баҳоламоқда.
