6 июль куни Лондоннинг «Тоттенхэм» клуби «Ньюкасл»дан 26 ёшли ярим ҳимоячи Сандро Тонали сотиб олинганини эълон қилди.

ОАВ хабарларига кўра, келишув суммаси 117 миллион еврони ташкил этди. Шу тариқа, ушбу трансфер клуб тарихидаги энг қиммат харидга айланди. «Шпорлар» бор-йўғи бир неча кун ичида иккинчи бор ўз рекордларини янгилашди.

Бундан олдин жамоанинг энг қиммат янги аъзоси португалиялик Матеуш Фернандеш бўлиб турган эди, у «Тоттенхэм»га «Вест Хэм»дан 99 миллион евро эвазига ўтганди. Унгача эса етакчилик Хави Симонсга (65 миллион евро) тегишли эди.

Эслатиб ўтамиз, Англия чемпионатининг ўтган мавсумини пойтахт клуби 17-ўринда якунлаб, 38 турда 41 очко жамғарган эди.