Бразилия терма жамоаси ҳужумчиси Неймар ЖЧ-2026нинг 1/8 финалидан ўрин олган Норвегияга қарши ўйинда (1:2) жамоасининг ягона голига муаллифлик қилди.
«Сантос» клубининг 34 ёшли аъзоси учрашув якунида пенальтини аниқ амалга оширди. Шу тариқа, у «селесао» (Бразилия терма жамоаси) сафидаги фаолиятини 130 та ўйинда 80 та гол билан якунлади.
Неймар Бразилия терма жамоаси тарихида 80 та голлик довонни банд этган илк футболчига айланди. Бу кўрсаткич бўйича иккинчи ўринда Пеле (92 та ўйинда 77 та гол), учинчи ўринда эса Роналдо (98 та ўйинда 62 та гол) бормоқда.
ЖЧ-2026да Бразилия терма жамоаси қайдномасидан жой олган футболчилар ичида Неймардан кейин энг кўп гол урганлар Винисиус Жуниор (54 та ўйинда 13 та гол) ва Лукас Пакета (67 та ўйинда 13 та гол) бўлиб турибди.
