Braziliya terma jamoasi hujumchisi Neymar JCH-2026ning 1/8 finalidan o‘rin olgan Norvegiyaga qarshi o‘yinda (1:2) jamoasining yagona goliga mualliflik qildi.
«Santos» klubining 34 yoshli a’zosi uchrashuv yakunida penaltini aniq amalga oshirdi. Shu tariqa, u «selesao» (Braziliya terma jamoasi) safidagi faoliyatini 130 ta o‘yinda 80 ta gol bilan yakunladi.
Neymar Braziliya terma jamoasi tarixida 80 ta gollik dovonni band etgan ilk futbolchiga aylandi. Bu ko‘rsatkich bo‘yicha ikkinchi o‘rinda Pele (92 ta o‘yinda 77 ta gol), uchinchi o‘rinda esa Ronaldo (98 ta o‘yinda 62 ta gol) bormoqda.
JCH-2026da Braziliya terma jamoasi qaydnomasidan joy olgan futbolchilar ichida Neymardan keyin eng ko‘p gol urganlar Vinisius Junior (54 ta o‘yinda 13 ta gol) va Lukas Paketa (67 ta o‘yinda 13 ta gol) bo‘lib turibdi.
