Аргентина терма жамоаси ва «Бока Хуниорс» клуби ярим ҳимоячиси Леандро Паредес ҳужумчи Пауло Дибалани ўз жамоасида кўришни исташини маълум қилди.
«Паулони «Бока Хуниорс»да кўриш мен учун катта мамнуният бўларди. Албатта, у қарорни мустақил қабул қилиши керак, унинг ўйлайдиган масалалари кўп, аммо такрорлайман, агар у Аргентинага учиб келишга қарор қилса, мен учун жуда ёқимли бўларди. Ҳар қандай ҳолатда ҳам, унга доим энг яхши тилакларни тилайман, чунки у ажойиб инсон», — дея Паредеснинг сўзларини «DAZN»га таяниб «Yahoo Sports» нашри келтиради.
Якунланган мавсумда Дибала «Рома» шарафини ҳимоя қилди ва барча мусобақаларда 27 та ўйинда майдонга тушиб, 3 та гол урди ҳамда 8 та голли узатмани амалга оширди.
