Argentina terma jamoasi va «Boka Xuniors» klubi yarim himoyachisi Leandro Paredes hujumchi Paulo Dibalani o‘z jamoasida ko‘rishni istashini ma’lum qildi.
«Pauloni «Boka Xuniors»da ko‘rish men uchun katta mamnuniyat bo‘lardi. Albatta, u qarorni mustaqil qabul qilishi kerak, uning o‘ylaydigan masalalari ko‘p, ammo takrorlayman, agar u Argentinaga uchib kelishga qaror qilsa, men uchun juda yoqimli bo‘lardi. Har qanday holatda ham, unga doim eng yaxshi tilaklarni tilayman, chunki u ajoyib inson», — deya Paredesning so‘zlarini «DAZN»ga tayanib «Yahoo Sports» nashri keltiradi.
Yakunlangan mavsumda Dibala «Roma» sharafini himoya qildi va barcha musobaqalarda 27 ta o‘yinda maydonga tushib, 3 ta gol urdi hamda 8 ta golli uzatmani amalga oshirdi.
