«Футбол сиёсатдан ташқарида», дейишарди улар. Америкаликлар ФИФА қарорларига таъсир ўтказишга уринаётганларини ҳатто яшириб ҳам ўтиришмаяпти. Мана, Дональд Трамп журналистлар қаршисидаги чиқиши вақтида Фоларин Балогуннинг четлатилиши бўйича ФИФАга мурожаат қилганини тасдиқлади. Шу билан бирга, сенатор Тед Круз ҳужумчининг дисквалификацияси тўхтатиб турилгани учун Трампга оммавий равишда миннатдорчилик билдирди.

«Барча америкаликлар номидан ушбу бемаъни қизил карточкадан қутулишга ёрдам берганингиз учун раҳмат», — деди Круз Трампга қарата.

«Ҳакам ҳеч ким ишона олмайдиган қарор қабул қилди. У бизнинг энг яхши ёки энг яхши футболчиларимиздан бири. Ва унга қизил карточка кўрсатишди. Ҳа, мен ФИФАдан қарорни қайта кўриб чиқишни илтимос қилдим», — дея баёнот берди Трамп.

Эслатиб ўтамиз, аввалроқ ФИФА Балогуннинг дисквалификациясини бир йиллик синов муддати билан кечиктирганини эълон қилган эди. Форвард мундиалнинг 1/8 финалида Бельгияга қарши майдонга туша оладиган бўлди. Бундан нафақат белгияликлар, балки бутун футбол оламининг кўплаб вакиллари ғазабда. Ҳатто УЕФА ҳам бу қарорга қарши чиқди.