Португалия терма жамоаси бош мураббийи Роберто Мартинес ЖЧ-2026 1/8 финалида Испанияга 0:1 ҳисобида мағлуб бўлганидан сўнг ўз лавозимини тарк этишини маълум қилди.
«Бу қарор жаҳон чемпионатидан олдин қабул қилинганмиди? Йўқ, у якуний тасдиқланмаган эди. Мен Португалияга жаҳон чемпионлигини қўлга киритиш учун келгандим. Менимча, ғалабага эришмаган бўлсак, ишни давом эттиришнинг маъноси йўқ.
Энди директорлар кенгаши ва президентда янги бош мураббийни танлаш имконияти бор. Президент доим менинг ишимни қўллаб-қувватлаб келди, аммо менинг шартномам бугун якунланади. Айтадиган бошқа гапим йўқ», — деди Мартинес Record нашрига.
Роберто Мартинес Португалия терма жамоасини 2023 йил январь ойидан бошқариб келаётган эди.
Унинг қўл остида Португалия 2025 йили УЕФА Миллатлар лигаси ғолибига айланган.
