ЖЧ-2026нинг 1/8 финалидан ўрин олган Португалияга қарши баҳсда Испания терма жамоасига ғалаба қозониш учун битта гол кифоя қилди.
Луис де ла Фуэнте шогирдлари учрашувнинг 91-дақиқасида Микель Мерино томонидан йўлланган аниқ зарба эвазига устунликни қўлга киритишди. Бу «қизил фурия»нинг 2010 йилдан бери Жаҳон чемпионати баҳсларида рақибларини 1:0 ҳисобида мағлуб этган еттинчи ҳолати бўлди — бу турнир тарихидаги энг юқори кўрсаткичдир. Худди шу давр мобайнида минимал ҳисобдаги ғалабалар сони бўйича иккинчи ўринни Аргентина, Бельгия, Уругвай ва Германия терма жамоалари бўлишиб туришибди — уларда 4 тадан шундай натижа мавжуд.
Жаҳон чемпионатининг чорак финалида испанлар Бельгия билан куч синашади.
