Португалия терма жамоасининг собиқ машҳур футболчиси Рикарду Куарежма жамоанинг Жаҳон чемпионатидан чиқиб кетганидан кейинги муаммолари ҳақида гапирди.
Португалияликлар 1/8 финал босқичида Испания терма жамоасига минимал ҳисобда имкониятни бой бериб, ўз юришларини якунлашди.
«Ҳамма Португалиянинг ушбу таркибини тарихдаги энг яхшиси деб айтаётганди, аммо амалда нимага эришдик? Улар нимани ютишди? Уйимизга бошимизни эгган ҳолда қайтяпмиз. Ярим ҳимоямизда жуда кўп ажойиб футболчилар бор, лекин улар бу Жаҳон чемпионатида жуда заиф кўринишди. Худди шу гапни ҳужум ҳақида ҳам айтиш мумкин, ҳимоя эса умуман тарқалиб кетди. Яхшиси шу жойда тўхтайман, акс ҳолда ортиқча гапириб юборишим мумкин», — дея Куарежманинг сўзларини келтиради The Touchline.
Португалия билан баҳсда Испанияга ғалаба келтирган голни 91-дақиқада Микель Мерино киритди.
